.................................... .................................... ........................................................................ ....................................தமிழர்களே வாருங்கள்..................................... ........................................................................ ........................................................................

October 24, 2014

போயஸ் தோட்டத்து பொல்லாதவனும், ஆழ்வார்பேட்டை சண்டியரும்...செய்தியும், சிந்தனையும் - 3.


செய்தி : சத்யம் திரையரங்கில் கத்தி படத்திற்கான முன்பதிவு நேற்று இரவு தொடங்கியது. அப்போது சத்யம் திரையரங்கு பகுதிக்கு வந்த 30க்கும் மேற்பட்டோர், கத்தி படத்திற்கு எதிராக கோஷம் எழுப்பினர். அங்கு வைக்கப்பட்டிருந்த பேனர்களை கிழிந்தெறிந்துடன், மூன்று பெட்ரோல் குண்டை வீசிவிட்டு தப்பிவிட்டனர். தியேட்டரின் முன்பகுதியில் தீபிடித்தது. இதனை தியேட்டர் ஊழியர்கள் போராடி அணைத்தனர். இந்த சம்பவம் குறித்து போலீஸார் விசாரணை நடத்திவருகின்றனர். இதுதொடர்பாக தந்தை பெரியார் திராவிடர் கழகத்தினர் 5 பேரை காவல்துறை கைது செய்துள்ளது - பத்திரிகை செய்தி.

 சிந்தனை : நல்லது. ஆட்சி அதிகாரத்தில் இருப்பவர்களே - தங்கள் எதிர்ப்பை வன்முறை மூலம் காட்டும்போது, இத்தகைய கும்பல்களின் வன்முறை ஆச்சர்யத்தை ஏற்படுத்தவில்லை. லைகா நடத்திய நிகழ்ச்சியில் கலந்து கொண்ட திருமாவுக்கும் உங்கள் எதிர்ப்பு இல்லையா? ஒரு திரைப்படத்திற்கு எதிராக உங்களால் காட்டப்படும் வீராதி வீரத்தை - உங்கள் பெரியார் திராவிடர் கழகத்தை சேர்ந்த தொண்டர் -​பழனி என்பவர் கொடூரமாக கொல்லப்பட்டதற்கு காரணமான வலது கம்யூனிஸ்ட் கட்சியை சேர்ந்த எம்.எல்.ஏ., ராமச்சந்திரன் மீதான வழக்கு விசாரனையை துரிதப்படுத்த காட்டி இருக்கலாம் அல்லது இன்னும் தொடரும் இரட்டை குவளை முறைக்கு எதிராக போராடலாம். அதைவிடுத்து - பெரியார் பெயரை இயக்கத்திற்கு வைத்து கொண்டு தபால் நிலையத்தில், மக்கள் கூடும் திரையரங்க வளாகத்தில் இத்தகைய அற்பத்தனமான வன்முறை செயல்களில் ஈடுபடுவது - சினிமா நடிகனை எதிர்த்தால் செய்தி அடிபடலாம் என்கிற கேவலமான உத்தி தானே. குண்டு வீசுவது யார் என்று பார்த்து அதற்கு தகுந்து குரல் கொடுக்கும் போராளிகள் இருக்கிற பெட்ரோல் குண்டு வீசுகிறவன் காட்டில் மழை தான்.

 செய்தி : விமர்சனத்துக்கு வரம்போ, தணிக்கையோ இருக்கக் கூடாது. தரம் குறையும்போது விமர்சகனே விமர்சனத்தின் மதிப்பெண்ணை கோடிட்டுக் காட்டி விடுவான். இன்டர்நெட் விமர்சகனுக்குத் தடை போடுவது, பெண்ணுக்குத் தாலி கட்டுவது அவர்களின் கற்புக்கு உத்தரவாதமாகாது. அவர்கள்தான் அதற்குப் பொறுப்பேற்க வேண்டும் - கமல்ஹாசன் தத்துவ பேச்சு.

சிந்தனை : ரஜினியும், விஜய்யும் சினிமாவில் மட்டும் தான் பஞ்ச் டைலாக் பேசுவார்கள். ஆனால் உலக நாயகன் கமல் பொதுவில் தான் பஞ்ச் டைலாக் பேசுவார் போலும். உலக நாயகன் சொல்வதை உளறிய நாயகன் சொன்னதாக எடுக்காமல் - கற்பு, தாலி என்பன, அவர் அனுபவம் தந்த பாடம் என்று எடுத்து கொள்வோம்.

செய்தி : நடிகர் ரஜினிகாந்த், ஜெயலலிதாவுக்கு கடிதம்: நீங்கள், போயஸ் தோட்டத்திற்கு மீண்டும் திரும்பி உள்ளது, மகிழ்ச்சி அளிக்கிறது. எதிர்காலம் நல்லதாக அமைய பிரார்த்திக்கிறேன்.

 சிந்தனை : "ஜெயலலிதா முதல்வரானால் தமிழகத்தை ஆண்டவனாலும் காப்பாற்ற முடியாது" என்று ரஜினி சொன்னதை நினைத்துபார்க்கிறோம். அருணாசலம் கெட்டப்பில் நிந்தித்தும், லிங்கா கெட்டப்பில் துதிபாடியும் பேசுகிறார். அரசியலில் மட்டுமல்ல, சினிமாவிலும் இதெல்லாம் சாதாரணம் அப்பா என்று சொல்லலாமா? கமலஹாசன் நடிப்பெல்லாம் ஒரு நடிப்பா? இந்த ரஜினி நடிப்பின் முன்னால்.

செய்தி : இலங்கையில் நடத்தப் பட்ட இனப்படுகொலையில் விடுதலைப்புலிகளிடமிருந்து கைப்பற்றப்பட்ட தங்க நகை கள் அவர்களின் உரிமை யாளர்களிடம் ஒப்படைக் கப்படும் என்று இலங்கை சிங்கள அரசு கூறியுள்ளது.
வரவேற்கிறோம் - கொல்லப்பட்ட ஈழத் தமிழர்களின் உயிரை மீண்டும் ஒப் படைக்க முடியுமா? பகுத்தறிவு ஏடு விடுதலை செய்தி.


சிந்தனை : நல்ல கேள்வி. இதே போன்று ஒரு கேள்வி எம்மிடமும் உள்ளது. புலிகள் இயக்கத்தின் மீதான தடையை நீக்க சொல்கிறிர்கள். வரவேற்கிறோம். அப்படி நீக்கப்பட்டால் புலிகளால் தமிழகத்தில் கொல்லப்பட்ட பத்மனாபா மற்றும் ராஜீவுடன் கொல்லப்பட்ட பதினைந்து அப்பாவி பொதுமக்கள் அனைவரும் உயிருடன் மீண்டு வருவார்களா?     திருமா கலந்து கொண்ட லைகா நிகழ்ச்சி

செய்தி : மகாராஷ்ட்ரா மற்றும் ஹரியானா சட்டமன்ற தேர்தலில் பா.ஜ.க வெற்றி. மதச்சார்ப்பின்மைக்கு கிடைத்த தோ
ல்வி - முற்போக்கு தகவல்.

சிந்தனை : கவலையே வேண்டாம். இன்னும் சில மாதங்களில் சில மாநிலங்களில் இடைத்தேர்தல்கள் நடக்கும். பா.ஜ.க தோற்கும். "மதவாதத்திற்கு கிடைத்த தோல்வி" என்று கூறலாம். சில மாத இடைவெளிகளிலேயே - மதவாதம் வென்றும், மத சார்ப்பின்மை தோற்றும் போய்விடுகிறதா? கிடையாது. முந்தைய ஆட்சியின் செயல்பாடுகளே - அடுத்து நடக்கும் தேர்தல்களில் -அதன் வெற்றிக்கோ அல்லது தோல்விக்கோ காரணமாக அமைகிறது. அந்த அடிப்படை உண்மையை கூட உணராமல் அல்லது உணர விரும்பாமல் மதச்சார்ப்பின்மைக்கு வெற்றி, மதவாதத்துக்கு வெற்றி என்று விஷமத்தை தூவுவது - அடிப்படை அரசியல் அறிவு கூட இல்லாமல் பேசுவதற்கு சமம்.

LinkWithin

Related Posts with Thumbnails