.................................... .................................... ........................................................................ ....................................தமிழர்களே வாருங்கள்..................................... ........................................................................ ........................................................................

February 24, 2012

பொய், பித்தலாட்டம், திராவிடம்... மானமுள்ள தமிழினம்...

கலைஞர் மீண்டும் ஒரு விழாவுக்கு அழைப்பு விடுத்திருக்கிறார்.
"​திராவிட இயக்க நூறாம் ஆண்டு விழா" வாம். "நம் நாட்டிற்கு இவ்வளவு பண்டிகை தேவையா" என்று நியாயமாய் கேட்கும் இனமான வீரமணி "இவ்வளவு விழா தேவையா" என்று ஒரு போதும் கேட்டதில்லை. இந்திய மீனவர் செத்து கடலில் மிதந்த போதும் "பாசத்தலைவனுக்கு பாராட்டு விழா" கொண்டாடி கொண்டிருந்தவர்கள் தானே. திராவிட கலகங்கள் கொண்டாடவிருக்கும் "திராவிட இயக்க நூறாம் ஆண்டு விழா" குறித்து தூய தமிழர் ம.பொ.சி அவர்களின் பேத்தி தி.பரமேஸ்வரி எடுத்துரைக்கும் உண்மைகளை இறுதியில் பார்ப்போம்.

 ஏன் எனில் திராவிட கலக வகையறாக்கள் எப்போதும் அரைகுறை வரலாற்றை தான் எடுத்து வைப்பார்கள். அதை மட்டும் படிப்பதால் எந்த புரியோஜனமும் இல்லை. கலைஞர் என்ன சொல்கிறார், சுப.வீ என்ன சொல்கிறார் என்று பார்த்துவிட்டு பிறகு இனமான தமிழர் ம.பொ.சியின் பேத்தி தி.பரமேஸ்வரி என்ன சொல்கிறார் என்று பார்ப்போம்.

 "உங்கள் உற்றார், உறவினர், பந்து மித்திரர், தோழர், தோழியருக்கெல்லாம் சொல்லி, விளக்கி, கட்சியில் அங்கத்தினராகச் சேருங்கள். கட்சிப் பத்திரிகைகளைப் படியுங்கள். நம் பத்திரிகைகள் வளர்ந்தால் தான், நம் எதிர்க்கட்சியான பார்ப்பனக் கூட்டம் நடுங்கும்' என, தி.மு.க., தலைவர் கருணாநிதி அறிவுறுத்தி உள்ளார் என்கிறது தினமலர். அய்யா கலைஞர் அவர்களே... பார்ப்பன பத்திரிகைக்கு மாற்றாக ஒரு நல்ல 'நம்மாள்' பத்திரிகையை சொல்லுங்கள் பார்ப்போம். பார்ப்பன பத்திரிகையை விட்டு தொலைக்கிறோம்.

உங்கள் பேரன் பத்திரிகையான தினகரனின் சுவரொட்டியை ஒரு நாள் காண நேர்ந்தது. "நாற்பது வயது நடிகைக்கு திருமணம்" என்று கொட்டை எழுத்தில். சுவரொட்டியில் போட வேண்டிய செய்தியா அது. என்ன மலிவான உத்தி. விற்பனை உத்தியாம். ஆனால் நமக்கு அப்படி தோன்றவில்லை. பார்ப்பான் பத்திரிகையை படித்தால் - எப்படி உங்களுக்கு அருவருப்பு தோன்றுமோ, அப்படி தான் நமக்கு அருவருப்பாக தெரிந்தது - அதை பார்த்து. அம்மாதிரியான பத்திரிகையை வாசித்து "அறிவை வளர்த்து" கொள்ள சொல்கிறிர்களா? இந்த லட்சணத்தில் நான் ஊரெல்லாம் இந்த பத்திரிகையை சிபாரிசு பண்ண வேண்டுமா?

 பார்ப்பான் உங்களை பார்த்து நடுங்க வேண்டும் என்றிர்கள். ஆனால் என்ன நடந்தது. அலைகற்றை முறைகேட்டில் - திராவிடம் தான் மீண்டுமொரு முறை ஆரிய பத்திரிகைகளை பார்த்து கிடுகிடுவென நடுநடுங்கி போனது. கலைஞர் சொல்கிறார். "கடந்த, 1856ல் திராவிட மொழிகளின் ஒப்பிலக்கணம் என்ற நூலை எழுதிய ராபர்ட் கால்டுவெல் தான், திராவிட மொழி பேசும் மக்கள் ஒரே இனத்தவர் எனக் குறிப்பிட்டார். திராவிடர் என்ற பெயரை அவர் தான் முதன் முதலாக உபயோகித்தார்" என்கிறார். ஆங்கிலேயே கைக்கூலி ராபர்ட் கால்டுவெல் - ஆய்வு செய்கிறேன் பேர்வழி என்கிற போர்வையில் தமிழ் சமூகத்தை பிளவுபடுத்த போட்ட வெடி குண்டை - இன்னும் எத்தனை நாளைக்கு திராவிட கலகங்கள் தங்கள் கக்கத்தில் வைத்து கொண்டிருக்கப் போகிறதோ? மேலும் ஒரு குறிப்பிட்ட சமூக மக்களை இழிவு படுத்தி கூறியவன்.

திராவிடம் பேசி பேசி சாதித்தது ஏதாவது உண்டா? எந்த ஒன்றுக்காவது திராவிட மொழி பேசும் ஏனைய மாநிலத்தவரை போல தமிழர்களை ஒன்று திரட்ட முடிகிறதா? திராவிடம் பேசி இழந்தது எத்தனை. இதற்கு விழா வேறாம். பார்ப்பன ஆதிக்கத்தில் இருந்து மீழ பார்ப்பனர் அல்லாதவர்களால் ஒரு அமைப்பு உருவாக்கப்படுகிறது. நல்ல ஆரம்பம். அதுவரை சரி. அதற்கு பிறகு என்ன நடந்தது. திராவிட தலைகளின் புளுகு மூட்டைகளை கேட்ட பிறகு தி.பரமேஸ்வரி எழுதிய உண்மைகளை பார்ப்போம்.

 "1912ம் ஆண்டு தோன்றிய, "மெட்ராஸ் யுனைடெட் லீக்' சங்கத்தின் முதலாம் ஆண்டு விழா, 1913, டாக்டர் நடேசன் மருத்துவமனைத் தோட்டத்தில் நடந்தது. "சங்கத்தின் பெயர், அதன் நோக்கத்தைப் பிரதிபலிப்பதாக இல்லை' என சிலர் பேசினர். அப்போது டாக்டர் நடேசன் தான், "திராவிடச் சங்கம் என்று பெயர் மாற்றலாம். ஏனென்றால், நாமெல்லாம் திராவிடர்களாயிற்றே' என, முடிவைத் தெரிவித்தார். அதை, அனைவரும் ஒருமனதாக ஏற்றுக் கொண்டனர்.
டி.எம்.நாயர், 17ல், சென்னை ஸ்பர்டாங் சாலை அருகே நடந்த பொதுக் கூட்டத்தில் ஆற்றிய உரையும், சர்.பிட்டி.தியாகராயர், 1918ல் நீதிக் கட்சியின் சார்பில் வெளியிட்ட, "பார்ப்பனரல்லாதார் கொள்கை விளக்கம்' என்ற அறிக்கையும், திராவிடருக்கான ஆதி ஆவணங்கள் எனப் போற்றப்படுகின்றன.

நாயரின் உரையில், "திராவிடத் தோழர்களே... நீங்கள் எல்லாம் உங்கள் உற்றார், உறவினர், பந்து மித்திரர், தோழர், தோழியருக்கெல்லாம் சொல்லி, விளக்கி, நீதிக் கட்சியில் அங்கத்தினராகச் சேருங்கள். கட்சிப் பத்திரிகைகளைப் படியுங்கள். நம் பத்திரிகைகள் வளர்ந்தால் தான், நம் மக்களுக்கு பலம் வரும். நம் எதிர்க்கட்சியான வளர்ந்தால் தான், நம் மக்களுக்கு பலம் வரும். நம் எதிர்க்கட்சியான, பார்ப்பனக் கூட்டம் நடுங்கும்' என முழங்கியதைத் தான், நான் இப்போதும் திரும்பக் கூற விரும்புகிறேன். இந்த உண்மை வரலாறுகளை எல்லாம் திராவிடர்களுக்கு, தமிழர்களுக்கு நினைவுபடுத்தும் வகையில் தான், திராவிட இயக்க நூறாம் ஆண்டு துவக்க விழா நடக்கவுள்ளது." என்றார் கலைஞர்.

அடுத்து சுப.வீ என்ன சொல்கிறார் என்று பார்ப்போம். "1885ஆம் ஆண்டிலேயே, ரெவரென்ட் ஜான் ரத்தினம் என்னும் ஒடுக்கப்பட்ட சமூகத்தைச் சேர்ந்த ஒருவர், "திராவிடப் பாண்டியன்' என்னும் இதழைத் தொடங்கினார். அவ்விதழின் ஆசிரியராகவோ, ஆசிரியர் குழுவிலோ அயோத்திதாசப் பண்டிதர் பணியாற்றினார் என்னும் குறிப்புகள் கிடைத்துள்ளன. முதன் முதலாகத் "திராவிட' என்பதை இயக்கத்தின் பெயரில் சேர்த்த நிகழ்வு 1892 செப்டம்பரில் நடைபெற்றது. அயோத்திதாசப் பண்டிதர் "ஆதி திராவிட ஜனசபா' என்னும் அமைப்பை அப்போது தொடங்கினார். பிறகு, 1894 அக்டோபரில், ரெட்டை மலை சீனிவாசன் அவர்களால், "பறையர் மகாஜன சபா' என ஓர் அமைப்புத் தொடங்கப்பட்டு, அதுவே பின்னாளில் "திராவிட மகாஜன சபா' என்று மாற்றப்பட்டது..

1909ஆம் ஆண்டு பி. சுப்பிரமணியம், எம். புருசோத்தமன் ஆகிய இரு வழக்கறிஞர்கள், "சென்னைப் பார்ப்பனர் அல்லாதார் சங்கம்' (The Madras Non Brahmin Association) என் ஓர் அமைப்பை உருவாக்கினர்.ஆழ நோக்குங்கால், பல உண்மைகள் நமக்குத் தெளிவாகப் புலப்படுகின்றன. அவற்றுள் முதன்மையானது, பார்ப்பனர் அல்லாதார் என்னும் சொல்லுக்கு மாற்றாகவே, திராவிடன் என்னும் சொல் முன் மொழியப்பட்டுள்ளது என்பதாகும். ஆந்திர, கேரள, கர்நாடக மக்களையும் சேர்த்துக் கொள்ளும் சொல்லாகத் திராவிடன் என்னும் சொல் 20ஆம் நூற்றாண்டின் தொடக்கத்திலேயே நடைமுறை வழக்கில் இல்லை என்பது தெளிவாகிறது. பார்ப்பனர் அல்லாத தமிழர் என்பதையே திராவிடர் எனக் குறித்துள்ளனர் பார்ப்பனர் அல்லாதவர்களிலும், ஏழைப் பிள்ளைகளுக்கு உதவுவதையே அவ்வமைப்பு நோக்கமாகக் கொண்டுள்ளது.

எனவே வருண அடிப்படையிலும், வர்க்க அடிப்படையிலும் ஒடுக்கப்பட்ட மக்களுக்கு உதவுவதே திராவிட இயக்கத்தின் நோக்கமாக இருந்துள்ளது" என்கிறார் சுப.வீ. அப்புறம் ஏன் திராவிடஸ்தான், சுடுகாடுஸ்தான் என்றெல்லாம் கதைத்தார்கள். ஆனால் உண்மையில் திராவிட இயக்கமும், பிராமணர் அல்லாத அமைப்பும் பின்னாளில் யாருக்கு பயன்பட்டது என்பதை - அய்யா ம.பொ.சி அவர்களின் பேத்தி தி.பரமேஸ்வரி சொன்னதில் இருந்து சில பகுதி தருகிறோம். முழுமையான தகவல்கள் இங்கு.

 "உண்மையில், மலையாளியான டாக்டர் டி.எம். நாயர், தமிழ்நாட்டுத் தெலுங்கரான சர். பி.டி. தியாகராச செட்டியார் ஆகிய இரு பேரறிஞர்களின் கூட்டு முயற்சியால் தான் இந்தப் புதிய கட்சி ஆரம்பிக்கப் பெற்றது. 1920 இல் முதன்முதலாக நடைபெற்ற பொதுத் தேர்தலில் ஒற்றைக் கட்சியாக தேர்தலில் புகுந்து பெரும்பாலான இடங்களைக் கைப்பற்றியது. ஏ. சுப்பராயலு ரெட்டியார் முதலமைச்சராகவும் பனகல் அரசர் பி. இராமராய நிங்கார், கே. வெங்கட ரெட்டி நாயுடு ஆகிய இருவரும் அமைச்சர்களாகவும் பதவி ஏற்றனர். இந்த அமைச்சரவையில் தமிழர் ஒருவர் கூட இடம் பெறவில்லை. முதல்வரான ஏழே திங்களில் சுப்புராயலு ரெட்டியார் நோய் காரணமாகப் பதவி விலகியதால் இரண்டாவது அமைச்சரான பனகல் அரசர் முதல் மந்திரியானார்.

இதனால் காலியான ஓர் இடத்திற்கு ஆந்திரரான ஏ.பி. பாத்ரோ நியமிக்கப் பெற்றார். தொடர்ந்து தமிழர் புறக்கணிக்கப்பட்டனர். 1923 இல் நடந்த சட்ட மன்றத்தேர்தலில் மீண்டும் பனகல் அரசரே முதல் அமைச்சரானார். டி.என். சிவஞானம் பிள்ளை என்ற ஓய்வு பெற்ற அதிகாரி அமைச்சரானார்.1916 இல் ஜஸ்டிஸ் கட்சி தோன்றியதிலிருந்து 1936 இல் அந்தக் கட்சியின் ஆட்சி அஸ்தமித்தது வரையுள்ள 17 ஆண்டுக் காலத்திலே சுத்தத் தமிழர் எவரும் அந்தக் கட்சியின் தலைவர் பீடத்தில் ஏறியதில்லை. அது சட்டமன்றத்தில் எதிர்க்கட்சியாக இருந்தபோதும் அதன் தலைமை ஆந்திரரிடமே இருந்தது. பிராமணர் ஆதிக்கத்திலிருந்து பிராமணரல்லாத்தாரைக் காப்பதற்குப் பிறந்த ஜஸ்டிஸ் கட்சியின் ஆட்சியிலே அரிசனர் எவரும் அமைச்சராக்கப் படவில்லையென்பதும் இங்கு நினைவில் கொள்ளத்தக்கதாகும்.

இத்தனைக்கும் இரட்டைமலை சீனிவாசன், எம்.சி. ராஜா, வி.ஐ. முனுசாமி, தர்மலிங்கம், என். சிவராஜ் ஆகிய பட்டதாரிகளான அரிசனத் தலைவர்கள் ஜஸ்டிஸ் கட்சியில் முன்னணியில் இருந்தனர். ஆனால் அப்படி ஒரு நீதியை அரிசன மக்களுக்கு வழங்கவில்லை நீதிக் கட்சி. பிராமணர் ஆதிக்கத்தை
அழிக்கப் பிறந்த நீதிக் கட்சியின் ஆதரவோடு என். ஆர். சேதுரத்தினம் ஐயர் கூட அமைச்சராக முடிந்தது. ஓர் அரிசனருக்கு அந்தப் பேறு கிடைக்கவில்லை”. கருணாநிதி சொல்லும் நடேசனார் ஒரு தெலுங்கு முதலியார். ஆனால், அவர் தெலுங்கர் என்பதை வெளிக்காட்டாமல் தமிழர் போன்றதொரு தோற்றத்தை ஏற்படுத்தும் இவ்வறிக்கையை நரித்தனத்துடன் வெளியிட்டுள்ளார் கருணாநிதி.

தெலுங்கர்களால் தொடங்கப்பட்டது ஜஸ்டிஸ் கட்சி. அக்கட்சி ஆட்சியில் இருந்தவரை சென்னை மாகாணம் தெலுங்கு முதல்வர்களாலேயே ஆளப்பட்டது. ஏ. சுப்பராயலு ரெட்டி, பனகல் அரசர்(ராஜா பனங்கன்டி ராமராயநிங்கார்), பி. முனுசாமி நாயுடு, பொப்பிலி அரசர் (ராஜா ராமகிருஷ்ண ரங்காராவ்), சர். கூர்ம வெங்கட ரெட்டி நாயுடு ஆகிய தெலுங்கர்களே ஆண்டனர். ஆந்திரம் பிரிந்து போன பிறகுதான் காமராசர் முதல்வர் பதவிக்கு வர முடிந்தது என்பதை மறக்கக் கூடாது. பிராமணர், பிராமணரல்லாதார் என்ற சாதிப் பிரிவினைப் போராட்டத்தில் தமிழர் என்ற மொழிவழி, இன உணர்வு மங்கி இன்று மறைந்தே போய்க்கொண்டிருப்பதை இப்போதாவது நாம் உணர வேண்டும்.

சென்னையை ஆந்திரத்தோடு சேர்க்க வேண்டுமென்று போராடிய பிரகாசம் பந்துலுவுக்கு சென்னை பாரிமுனையில் சிலையும், தெருவின் பெயரும், உண்ணாவிரதமிருந்த பொட்டி ஸ்ரீராமுலுவிற்கும் மயிலையில் சிலையும், சென்னையை ஆந்திரத்தோடு சேர்க்க வேண்டுமென்று மாநகராட்சியில் போராடிய பிட்டி தியாகராசருக்கு அங்கேயே சிலை, தெருவின் பெயர், சென்னையின் இதயப்பகுதிக்கும் அங்கே உள்ள அரசு கலையரங்கத்திற்கும் அவர் பெயரை வைத்து மரியாதை செலுத்தியிருக்கிறோம். இவ்வளவும் போதாதென்று இந்த அவமான வரலாற்றிற்கு நூற்றாண்டு விழாவும் கொண்டாட வேண்டுமென்று கூறுகிறார் கருணாநிதி.
" என்கிறார் கட்டுரையாளர்.

திராவிட கலகங்களுக்கு திராவிட இயக்கத்தின் நூறாம் ஆண்டு விழாவை - இந்த வருஷமெல்லாம் கொண்டாட வேண்டுமாம். "பகுத்தறிவு " கொண்டு, அதில் "நியாயம் உள்ளதா" என்று பாருங்கள் மானமுள்ள தமிழர்களே.


தொடர்புடைய பதிவுகள் :


10 comments:

  1. ஓசை,

    எதுக்கு நடிக்கிறீங்க. தொடர்ந்து நீங்கள் திராவிட இயக்கத்தவர்களை விமர்சித்து எழுதுவதற்குக் காரணமே பார்ப்பனீயத்தை அவர்கள் எதிர்த்தார்கள் என்பதுதானே. அவர்களெல்லாம் உத்தமர்கள் என்று சொல்லவரவில்லை. ஆனால் திராவிட இயக்கங்கள் இல்லாவிட்டால் இன்றைக்கும் பார்ப்பன ஆதிக்கம்தானே தமிழ்நாட்டில் நீடித்திருக்கும். இன்றைக்கு சாதிப்பெயரை தன் பெயருடன் சேர்த்துக்கொள்ள வெட்கப்படும் நிலை யாரால் வந்தது?

    ReplyDelete
  2. மனிதன் said...

    தொடர்ந்து நீங்கள் திராவிட இயக்கத்தவர்களை விமர்சித்து எழுதுவதற்குக் காரணமே பார்ப்பனீயத்தை அவர்கள் எதிர்த்தார்கள் என்பதுதானே.////

    உண்மையை பேசுகிறவர்களுக்கு - இம்மாதிரியான எதிர்மறை கருத்துகள் வருவது நியாயமே. இன்றைக்கு ராமதாஸ் எதிர்க்கிறார். தமிழ் தேசியம் பேசுகிற அனைவரும் திராவிட இயக்கத்தவர்களை விமர்சிக்கிறார்கள். தமிழர்களின் விழ்ச்சிக்கு காரணமென்று. அதில் உண்மை இருக்கிறதா என்று மட்டும் பாருங்கள். நீங்களாக எதையும் கற்பனை செய்யாதீர்கள். தமிழ் தேசியம் பேசுபவர்கள் எல்லாம் பார்ப்பனர்களுக்கு வேண்டப்பட்டவர்களா? ஆனால் அப்படியும் சொல்ல தான் செய்கிறார்கள். சொல்லி விட்டு போகட்டுமே.

    ReplyDelete
  3. பயனுள்ள பதிவிற்கு நன்றி. திராவிட அரசியல் வரலாறு ஆகியவற்றை மறுபடியும் வாசிக்க, தகவல்களை பெற உதவியாக உள்ளது.

    இதில் முக்கியமான விடயம்...
    தமிழர்கள் யார் என்பதை வரையறுக்க முடியாததினால் தான், பெரியார் அதை கையில்யெடுக்கவில்லையோ. அந்த வரையறைக்குள் தானும் வராமல் தனது இயக்குமும் வராமல் போய்விடும் என்ற பயமோ என்று தெரியவில்லை. ஆனால் தமிழ்ர் யார் என்ற definition அவசியம் என்றே தோன்றுகிறது......

    தி.பரமேசுவரி..விளக்கம்............

    //தமிழைத் தம் தாய்மொழியாகக் கொண்டவர் அனைவரும் தமிழரே. ஆனால் தமிழகத்தைத் தம் நிலமாகக் கொண்டு இங்கே பல நூற்றாண்டுகளாக வாழ்ந்து வரும், நிரந்தரக் குடியினராகி விட்ட பிற மொழியாளரைத் தமிழ்த் தேசிய இன வரையறைக்குள் கொணரலாமேயன்றி அவர்களை என்றைக்கும் தமிழர் என்று சொல்ல இயலாது. உலகின் எந்த மூலையில் வாழ்ந்தாலும் தாய் மொழி அடிப்படையில் தமிழ் பேசுவோர் தமிழராகவே கருதப்படுவர். வேற்று நாடுகளில் நிரந்தரக் குடியுரிமை வாங்கி, வீட்டு மொழியாகத் தமிழையும் பிழைப்புக்காகத் தாம் வாழும் நாட்டின் மொழியையும் பேச வாழ்ந்தாலும் கூட இன அடிப்படையில் அவர்கள் தமிழினம் என்றே சொல்லப்படுவர். காலப்போக்கில் தமிழே பேசத் தெரியாதவர்களாக சில தலைமுறை மாற்றம் பெறினும் தமிழ் மரபினர் (Tamil Origin) என்றே கருதப்படுகின்றனர்.

    பன்னெடுங்காலமாக, தமிழகத்தில் வாழும் பிற மொழியினர், வீட்டு மொழியாகத் தத்தம் தாய்மொழியையும் பிழைப்புக்காக வெளியில் தமிழும் பேசும் இரு மொழியாளராகக் கருதப்பட்டாலும் தமிழ்த் தேசிய இனத்தின் உள்ளடக்கம்தான். இதற்குள் பார்ப்பனர், இஸ்லாமியர் என அனைவரும் சாதி, மதம், வர்க்கம் என எவ்விதப் பாகுபாடுமின்று அனைவரும் அடங்குவர். அயல் நாடுகளில் வாழும் தமிழர்களும் தேசிய இனத்தால் தாம் வாழும் நாட்டின் தேசிய இனமாகவே கருதப்படுவர். எனில் தமிழ்த் தேசியவாதி யார்? தமிழ்த் தேசிய உணர்வில் நம்பிக்கை கொண்டவர் அனைவருமே தமிழ்த் தேசியவாதிகள் தாம்.//

    அதிஅசுரன்..விளக்கம்...

    //பல நூற்றாண்டுகளுக்கு முன்பே பல்வேறு காரணங்களால் இங்கு வந்து தமிழ்நாட்டுக்குள்ளேயே பெண் எடுப்பது, பெண் கொடுப்பது போன்ற மணஉறவுகளை வைத்துக்கொண்டு, தம் வருமானத்தையும் சொத்துக்களையும் தமிழ்நாட்டுக்குள்ளேயே வைத்துள்ளவர்களும், ஆந்திராவிலோ, கர்நாடகாவிலோ எந்த தொடர்பும் இல்லாமல், வேர்கள் இல்லாமல், தமிழர்களுக்கு உள்ள தீண்டாமைக் கொடுமைகளை தாமும் ஏற்று, தமிழர்களுக்குள்ள ஜாதி இழிவுகளைத் தாமும் சுமந்து, தமிழர்களாகவே வாழ்பவர்களுமான இலட்சக்கணக்கான மக்களை பிறப்பு பார்த்து, ஜாதி பார்த்து அவர்களை வேறுபடுத்திப் பார்க்கிறார்கள் தமிழ்த் தேசியர்கள். அவர்களை அந்நியர்கள் என்றும் சுத்தத்தமிழர்கள் அல்ல என்றும் அறிவிக்கிறார்கள்.//

    தமிழன் யார் என்பதில் பிரச்சனை. உண்மை இந்த இரு கருத்துகளில் இடைப்பட்ட நிலையில் இருக்கிறதோ என்னவோ?

    ReplyDelete
  4. நரேன்,

    பரமேசுவரியின் விளக்கம் நியாயமானது, போதுமானது, தேவையானது. இப்போதும் வரும் பிற மொழி இன மக்கள் குறித்து தான் இனி பேச வேண்டும். கவலைப்பட வேண்டும்.

    ReplyDelete
  5. Arcot Veerasamy, Napolean, even Karunanidhi family all of them are telugu speaking people isn't it. ie mother tongue.
    also, vijaykanth.

    ReplyDelete
  6. அருமையான் பதிவு சகோ

    திராவிட இயக்கங்கள் கோட்டை விட்ட தமிழக்த்தின் பகுதிகளால்தான் இன்றும் தொடரும் பிரச்சினையான் முல்லைப்பெரியார்.த்மிழகத்தின் பகுதிகளை காக்க முடியாதவர்கள் தமிழர்களை காப்பார்களா!.அய்யா ம பொ சி மட்டும் போராடா விட்டால் "சென்னை மனதே" என்று ஆந்திரா ஆசாமிகள் சுருட்டி இருப்பார்கள்.ம பொ.சி கூறினார் சென்னை நமதே என்று!!!!!!!!!.
    இறை மறுப்பு,பகுத்தறிவு,ஆதிக்க சாதி எதிர்ப்பு என்பது இவர்களுக்கே உரித்தான சொத்து என்பதும் நகைச்சுவை மட்டுமே. திராவிட இயக்கத்தின் தில்லுமுல்லுகளை விமர்சிக்க கூடாதா!!!!!!!!!!!!!!.திராவிடமும் ஒருவகை பார்ப்பனீயமே!!!

    காமராசரை எதிர்த்து இராஜாஜியுடன் கூட்டணி அமைத்த்வர்கள் பார்பனீய எதிரிகளாம்!!!!!.ஹி ஹி ஹி

    பாஜகவில் மத்திய மந்திரி பதவி சுகம் அனுபவித்தவர்கள் இந்துத்வ விரோதிகளாம்
    ஹி ஹி ஹி!!!!!!!!!

    பார்ப்பனர்களுக்கு அடுத்த இடத்தில் இருந்த‌ ஆதிக்க சாத்யினரின் இயக்கமே திராவிடர் இயக்கம் ,அதில் தமிழ்நாட்டின் உருவாக்கத்தின் முன் பிற மொழியினரே முக்கியத்துவம் பெற்று இருந்தனர் என்பதே கடந்த கால வரலாறு.இப்போது ஒரு குடும்ப‌த்தினரே முக்கியத்துவம் பெறுவது நிகழ்கால வரலாறு.

    இது குறித்து இன்னும் பல வரலாற்று தகவல்கள் பகிருங்கள் சகோ !!!!!
    நன்றி

    ReplyDelete
  7. தமிழ்நாட்டில் இந்த திராவிடர் என்கின்ற விடயமும் பிராமணர் சாதி மீதான வெறுப்பு பிரசாரமும் ஒரே குளப்பமானவை. எப்படி திராவிடம் வந்தது என்பதை உங்கள் கட்டுரையில் இருந்து அறிய முடிந்தது.

    ReplyDelete
  8. பலேனோவுக்காக பரிதாப படுகிறேன்!

    ReplyDelete
  9. NiceGuy said...


    பலேனோவுக்காக பரிதாப படுகிறேன்!.//////

    நான் உங்களுக்காக பரிதாபப்படுகிறேன். திராவிடத்தின் வரலாறு தெரிந்தும் - அதற்காக துதிப்பாடும் உங்கள் பேதமையை நினைத்து.

    ReplyDelete
  10. How an article should be,ppl must learn from you.I am Brahmin,i def dont support certain customs like "Speaking in distance from other caste etc".Tamil Brahmins esp Iyers and Iyengars are staunch tamilians than Telugu idiot Karunanidhi,he used tamil to cheat us.He shouldnt hv simple death,slow but steady detrioation of health must occur,apart frm vry strong infighting n his family.He,the cheat must def hv unpleasant death.

    ReplyDelete

தமிழில் இடும் பின்னூட்டங்கள் மட்டுமே வெளியிட இயலும்.

கருத்துகள் எதிர்மறையாக இருப்பினும், அதையும் நாகரிகமாக யார் மனதும் புண்படாதவாறு சொல்லுங்கள்.


மறுமொழி வெளியாக சில நேரங்களில் தாமதமாகலாம்..

LinkWithin

Related Posts with Thumbnails