.................................... .................................... ........................................................................ ....................................தமிழர்களே வாருங்கள்..................................... ........................................................................ ........................................................................

May 5, 2012

துக்ளக் v/s விடுதலை. யார் சொல்வது உண்மை.

துக்ளக் சோ மீது திராவிட பகுத்தறிவு மீண்டும் ஒரு முறை மோதி உள்ளது. சில மோதல்களின் காரணங்களில் நியாயம் இருக்கும். அதனால் அந்த மோதல்கள் - திராவிடத்திற்கும் பெருமை சேர்க்கும். ஆனால் இப்போதைய மோதலில் மூக்குடைப்பட்டு இருக்கிறார்கள் பகுத்தறிவாளர்கள். காரணம் - ​சோ சொன்னதில் நியாயம் இருப்பதால். துக்ளக் இதழில் வந்த ஒரு கேள்வி பதிலையும் - பிறகு அதற்காக திராவிட பகுத்தறிவு எரிந்து விழுந்திருப்பதையும், இறுதியாக நமது நேர்மையான அலசலையும் பாருங்கள்.

கேள்வி: இலங்கைப் பிரச்சினையில் தி.மு.க. வின் நிலை என்ன?
பதில்: இந்த மாதிரியெல்லாம் ஒரு பொதுவான கேள்வியைக் கேட்டு வைப்பது ரொம்பவும் தவறான காரியம். இலங்கைப் பிரச்சினையில் தி.மு.க. எப்போது எடுத்த நிலையைப் பற்றி நீங்கள் கேட்கிறீர்கள்? ஆரம்பத்தில் எடுத்த நிலையையா? அதற்குப் பிறகு அதை மாற்றி எடுத்த நிலையையா? அல்லது மீண்டும் ஆரம்பத்திற்கே போக முயற்சித்த நிலையையா? அல்லது அதிலிருந்து மீண்டும் நழுவி மத்திய அரசின் நிலைக்கு வந்த நிலையா? அல்லது இப்போது மீண்டும் ஆரம்பித்த நிலைக்கே போகலாமா என்று யோசிக்கிற நிலையையா?

எந்த நிலை? எந்த நிலையைப்பற்றிக் கேட்கிறீர்கள்? என்பதைத் தெளிவாக்காமல், தி.மு.க.வின் நிலை என்ன என்று கேட்டால் என்ன பதில் சொல்வது? தி.மு.க.வின் இலங்கைப் பிரச்சினை நிலை, கெலிடாஸ்கோப் மாதிரி ஒவ்வொரு அசைவுக்கும் நிறம் மாறும். டிசைன் மாறும். வர்ண ஜால வினோதங்கள் கிடைக்கும். அதைப் பொதுவாக ஒரு கேள்வியில் அடக்க முயற்சிப்பது ரொம்பவும் தவறான காரியம். (துக்ளக், 2.5.2012)

தி.மு.க வின் நிலை குழப்புகிறதா? சோ குழப்புகிறாரா? இந்த பதிலுக்கு தான் திராவிட பகுத்தறிவு பொங்கப் போகிறது. சோ சொன்ன பதிலில் நூற்றுக்கு நூறு சதம் உண்மை உள்ளது. வை.கோ, பழ.நெடுமாறன் என்று அனைவரும் கலைஞரின் ஈழ நிலைப்பாட்டை இவ்வாறு தான் விமர்சிக்கிறார்கள். சோ என்ன புதியதாக சொல்லி விட்டார். என்ன காமெடி பீஸ்ஸாக சோ இருப்பதால் - சிரிக்க வைப்பதோடு சிந்திக்கவும் வைக்கிறார். சொன்னது பார்ப்பான் என்பதால் விடுதலைக்கு மூக்குக்கு மேல் கோபம் வந்து விட்டது. இனி விடுதலை தந்த எதிர்வினையை பார்ப்போம்.

"தி.மு.க. தலைவர் கலைஞர் அவர்கள் ஈழத் தமிழர்களுக்குத் தனி ஈழம்தான் தீர்வு என்று அடித்துச் சொல்லும் நிலையில், அதனைத் தாங்கிக் கொள்ள முடியாத பார்ப்பன வட்டாரங்கள் மிகவும் அதிர்ந்து போயிருப்பதாகவே தெரிகிறது. எப்படியும் கொச்சைப்படுத்தி எழுதுவது என்பதில் மிகவும் கூர்மையாகவே செயல்பட ஆரம்பித்து விட்டனர். உலகில் தமிழர்களுக்கென்று ஒரு தனி நாடு கிடைத்துவிட்டால் அது பார்ப்பனர்களுக்கு ஆபத்து என்று அவர்கள் அஞ்சுகிறார்கள். பார்ப்பனர்களும், தமிழர்கள்தான் என்று சொல்லுபவர்கள்கூட இன்னும் இருக்கத்தான் செய்கிறார்கள்.

அத்தகைய மேதாவிகள் ஈழப் பிரச்சினையிலும் சரி, பொதுவாக தமிழ், தமிழன், தமிழ்நாடு என்கிற பிரச்சினைகளிலும் சரி, பார்ப் பனர்கள் எப்படியெல்லாம் நடந்து கொள்கிறார்கள் என்பதைக் கவனித்தால் இந்த உண்மைகள் தெரியாமல் போகவே போகாது. பார்ப்பனர்களுக்கென்று உலகப் பந்தில் நாடு ஒன்று இல்லாத காரணத்தால், நமக்குக் கிடைக் காதது மற்றவர்களுக்கும் கிடைக்கக்கூடாது என்ற எண்ணம் கொண்ட வஞ்சகக் கூட்டம் அது! ஈழத் தமிழர் பிரச்சினையில் தி.மு.க.வின் நிலைப்பாட்டை விமர்சிக்கக் கிளம்பியிருக்கும் திருவாளர் சோ.ராமசாமி, ஈழத் தமிழர் பிரச்சினையிலும் சரி, மாவீரன் பிரபாகரன் பிரச்சினை யிலும் சரி, அஇஅதிமுக, அதன் பொதுச் செயலாளர் செல்வி ஜெயலலிதா அவ்வப்பொழுது எடுத்திருக்கிற முரண்பாடுகள் பற்றி ஒரே ஒரு வரிகூட எழுதாதது ஏன்? 

முரண்பாடு களைச் சுட்டிக் காட்ட தயங்குவது ஏன்? அல்லது அஞ்சுவது ஏன்?
இனவுணர்வு அடிப்படையிலான காரணங்கள் உண்டு என்றாலும், அ.தி.மு.க எந்த நிலைப் பாட்டினை எடுத்தாலும் சரி, செல்வி ஜெயலலிதா எப்படிப் பேசினாலும் சரி, ஈழத் தமிழர் பிரச் சினையில் பெரும் பரபரப்பையோ தாக்கத்தையோ ஏற்படுத்தப் போவதில்லை. அதே நேரத்தில் ஈழத் தமிழர் பிரச்சினையை மானமிகு கலைஞர் அவர்கள் கையில் எடுத்துக் கொண்டால், அதனால் ஏற்படும் விளைவுகள் எத்தகையது என்பதைப் பார்ப்பனக் கூட்டம் நுணுக்க மாகவே அறிந்து வைத்துள்ளது.

அதன் அச்சமே இவ்வாறு கொச்சைப்படுத்தக் கிளம்பியிருக் கிறது. அது சரி, இதனை நமது தமிழத்தின் தலைவர்கள் புரிந்து கொள்ளவில்லையே என் செய்வது?" என்று விடுதலை அழுது புலம்பி உள்ளது. விடுதலைக்கு நமது கருத்தை வைப்பதற்கு முன் - சோவுக்கு ஒரு குட்டு வைக்க வேண்டி உள்ளது. முதலில் அதை வைத்து விடுவோம். சோ எதையும் நுணுக்கமாக கவனிக்கக் கூடியவர் தான். அவர் இப்படி சொல்லலாமா?

"தி.மு.க.வின் இலங்கைப் பிரச்சினை நிலை, கெலிடாஸ்கோப் மாதிரி ஒவ்வொரு அசைவுக்கும் நிறம் மாறும். டிசைன் மாறும். வர்ண ஜால வினோதங்கள் கிடைக்கும். அதைப் பொதுவாக ஒரு கேள்வியில் அடக்க முயற்சிப்பது ரொம்பவும் தவறான காரியம்." என்னவோ ஈழப்பிரச்சனையில் மாத்திரம் தான் திராவிட கழகங்கள் வர்ணஜாலம் புரிவதாக, வார்த்தை மாறுவதாக சோ தப்பிதமாக, அரைவேக்காட்டுத்தனமாக சொல்லலாமா? பெரியாரை எதிர்த்ததிலிருந்து, திராவிட நாடு கொள்கை வரை வருஷத்திற்கு ஒரு நிலை வைத்திருந்தவர்கள் தானே அவர்கள். இது தெரியாமல் சோ பேசிவிட்டாரே. அதற்கு தான் ஒரு குட்டு.


இனி விடுதலைக்கு பதில் தருவோம். ஈழப்பிரச்சனையை பொருத்தவரை பொதுவாக இரண்டு விதமான நிலை உள்ளது. முதல் நிலை. ஆரம்பித்திலிருந்தே - அதாவது 80களில் இருந்து இன்று வரை ஒரே மாதிரியான நிலையில் இருப்பவர்கள். அதிலும் இரண்டு வகை உள்ளது. அது, ஆரம்பத்திலிருந்து புலிகளை, ஈழத்தை வெறித்தனமாக ஆதரித்தவர்கள் அல்லது எதிர்த்தவர்கள். இந்த ஆரம்பத்திலிருந்து ஆதரித்த அல்லது ஆதரிக்காத ஒரே நிலை என்கிற கோட்டாவில் கலைஞர் வர மாட்டார். காரணம் - சோ தான் தமது பதிலில் அழகாக சொல்லிவிட்டாரே - அவரது பல நிலைப்பாட்டை.

வை.கோ, பழ.நெடுமாறன், சுப.வீ, விடுதலை ராஜேந்திரன், கொளத்தூர் மணி போன்றவர்களே அன்று முதல் இன்று வரை - தடா, பொடா என்று எத்தனை அடக்குமுறையை சந்தித்தும் - பொதுவாழ்வில் பல இழப்புகளை சந்தித்திருத்தாலும் - விடாப்பிடியாக புலி ஆதரவு, ஈழ ஆதரவை பற்றி கொண்டிருப்பவர்கள். ஆனால் கலைஞர் அப்படியா - அன்று தொடக்கம் இன்று வரை ஒரே நிலையில் இருந்தார். இல்லையே. அதை சோ சொன்னால், ஏன்
கோப கோபமாக வருகிறது. இரண்டு - ஆரம்பத்திலிருந்தே 80களிலிருந்தே புலி எதிர்ப்பு, ஈழ எதிர்ப்பு கொண்டவர்கள். அதாவது சோவை போன்றவர்கள்.

எப்படி எமக்கு புலிகளை, ஈழத்தை ஆதரிக்க ஆயிரம் காரணங்கள் உள்ளனவோ - அதே போல எதிர்க்கவும் அவர்களுக்கு ஆயிரம் காரணங்கள் உள்ளன. ஜெ அதிகப்பட்சமாக இரண்டே இரண்டு நிலையில் இருந்தார். ராஜீவ் படுகொலைக்கு முன், படுகொலைக்கு பின் என்று... மற்றப்படி ஜெ எங்கும் முரண்படவில்லை. நேற்று ஒரு பேச்சு, இன்று ஒரு பேச்சு பேசுபவரல்ல ஜெயலலிதா. அதனால் அவரிடம் முரண்பாடில்லை. அ.தி.மு.கவுடன் இனமான கி.வீரமணி கொள்கை அடிப்படையில் கூட்டணி வைத்திருந்தபோது தான் சுப.வீ கைது செய்யப்பட்டார் என்பதை குறிப்பிட வேண்டும்.

ஜெ பதவியேற்ற இந்த ஓராண்டில் - எந்த ஈழ மற்றும் புலி ஆதரவாளர்களும் குண்டர் சட்டத்தில் கைதாகவில்லை என்பதை தான் முரண்பாடு என்கிறார்களோ?​தம் மீதான அவப்பெயரை அழிக்க கலைஞர் போடும் புது வேஷம் "இன்றைய ஈழ நாட்டு முழக்கம்". கலைஞரிடம் ஒரு போதும் ஒரே நிலை இருந்ததில்லை. அது குறித்த எனது கருத்தை இங்கே (கலைஞர், ஈழம் - அன்று முதல் இன்று வரை) வாசிக்கலாம். கலைஞரை விமர்சிப்பது போல ஜெ வை ஏன் விமர்சிப்பதில்லை என்று கேட்கிறது கட்டுரை. கலைஞரை போல ஜெ தமிழையும், தமிழரையும் வைத்து அரசியல் பிழைப்பு நடத்தவில்லை.

"தமிழர்களே... தமிழர்களே... என்னை கடலில் தூக்கி எறிந்தாலும் கட்டுமரமாக மிதப்பேன்" என்றெல்லாம் ஜெ பாசாங்கு செய்யவில்லை. "தமிழர்களுக்காக உயிரை கொடுப்பேன்" என்று டயலாக் பேசவில்லை. முக்கியமாய் உண்ணாவிரதம் இருந்து தமிழினத்தை ஏமாற்றவில்லை. விடுதலை கட்டுரையில் மிக பெரிய நகைசுவை இது தான். "ஜெயலலிதா கையில் எடுத்தால் - ஈழத் தமிழர் பிரச்சினையில் பெரும் பரபரப்பையோ தாக்கத்தையோ ஏற்படுத்தப் போவதில்லை.

அதே நேரத்தில் ஈழத் தமிழர் பிரச்சினையை மானமிகு கலைஞர் அவர்கள் கையில் எடுத்துக் கொண்டால், அதனால் ஏற்படும் விளைவுகள் எத்தகையது என்பதைப் பார்ப்பனக் கூட்டம் நுணுக்க மாகவே அறிந்து வைத்துள்ளது. அதன் அச்சமே இவ்வாறு கொச்சைப்படுத்தக் கிளம்பியிருக் கிறது. " இதுவரை கையில் எடுத்து என்னென்ய்யா சாதித்திருக்கிறிர்கள். எவ்வளவு கேவலமான பொய் அது. கலைஞர் ஈழப்பிரச்சனையை கையில் எடுத்து கொண்டதும் - உலக தமிழர்கள் எல்லாம் ஒன்று கூடி, "அய்யா எங்களை விட்டு விடுங்கள். எப்படியாவது பிழைத்து கொள்கிறோம்" என்று கெஞ்சாத குறையாக பதிவெழுதி தள்ளினார்களே - அது தெரியாதா உங்களுக்கு.

"பேசாம்மா உங்க வேலைய பார்த்துட்டு போங்கய்யா" என்று சொன்னவர்களும் இருக்கிறார்கள். அவர்கள் எல்லாம் பார்ப்பனர்களா? இல்லை - கலைஞரின் பல நிலை அறிந்தவர்கள். ஆக கலைஞரின் புகழ் உலகெங்கும் பரவி உள்ள போது சோ ராமசாமி வேறு தனியாக சொல்ல வேண்டுமா? கலைஞரின் தயவால் தமிழர்களுக்கு தனி நாடு கிடைத்துவிடும் என்று பார்ப்பனர்கள் அஞ்சுகிறார்களாம். அதனால் சோ இப்படி எழுதுகிறாராம். முடியவில்லை சாமி உங்கள் பித்தலாட்ட பேச்சை கேட்டு. "தமிழன் வாழாத நாடில்லை. ஆனால் தமிழனுக்கொரு நாடில்லை" என்கிற முழக்கத்தை கேலி செய்து, "என்னவோ கன்னடனுக்கு, மலையாளிக்கு, தெலுங்கனுக்கெல்லாம் நாடு இருக்கிற மாதிரியும் தமிழனுக்கு மட்டும் தான் நாடில்லாத மாதிரியும்" என்று - தமிழ் தேசியம் பேசியவர்களை பார்த்து இங்கே முற்போக்காளர்கள் கிண்டலடித்தார்கள்.

நிச்சயம் பார்ப்பனர்கள் அந்த கும்பலில் இல்லை. அன்றைக்கு அதையும் இந்த இனமான, மானமிகுகள் கேட்டு கொண்டே தான் இருந்தார்கள். தமிழனின் தனி நாட்டு ஆசையை கேவலப்படுத்துகிறானே என்று பொங்கி இருக்கலாமே. சோ ராமசாமி பத்திரிகை சொன்னது என்பதற்காக ஒன்றை நிராகரிக்கவோ அல்லது ஈரோடு ராமசாமி பத்திரிகை சொன்னது என்பதற்காக ஒன்றை ஏற்று கொள்ளவோ இயலாது. சொல்லப்பட்டதில் உள்ள உண்மையே - ஒன்றை ஏற்கச் செய்யும் அல்லது நிராகரிக்க செய்யும். அந்த உண்மையை புரிந்து கொள்ளுமா பகுத்தறிவு.
தொடர்புடைய பதிவுகள் :


8 comments:

  1. சோ ராமசாமி பத்திரிகை சொன்னது என்பதற்காக ஒன்றை நிராகரிக்கவோ அல்லது ஈரோடு ராமசாமி பத்திரிகை சொன்னது என்பதற்காக ஒன்றை ஏற்று கொள்ளவோ இயலாது. சொல்லப்பட்டதில் உள்ள உண்மையே - ஒன்றை ஏற்கச் செய்யும் அல்லது நிராகரிக்க செய்யும். //////

    super

    ReplyDelete
  2. தொப்புள்கொடிMay 5, 2012 at 12:26 PM

    கலைஞரின் ஈழப்பிரகடனத்தை பார்த்து -எதற்கும் ஒன்று கூடாத உலகத்தமிழர்கள் ஒன்று கூடி சொன்னது, "முதல்ல உங்க வீட்டு மக்கள் விவகாரத்தை பாருங்க. பிறகு பார்க்கலாம் உலக தமிழ் மக்கள் விவகாரத்தை" என்று.

    ReplyDelete
  3. கழுவுற மீன்ல நழுவுற மீன் கலைஞர்..சொந்த வீட்டில் இருக்கிற பிரச்சினையை தீக்கவே இன்னும் எத்தன நாளாகுமோ தெரியல..?

    ReplyDelete
  4. hii.. Nice Post

    Thanks for sharing

    For latest stills videos visit ..
    www.ChiCha.in

    www.ChiCha.in

    ReplyDelete
  5. This comment has been removed by a blog administrator.

    ReplyDelete
    Replies
    1. பின்னூட்டத்தைக் கூட வெளியிட தைரியமில்லாதா ஆளாப்பா நீ....

      Delete
    2. பதிவுக்கு சரியான பின்னூட்டம் போடக்கூட தெரியாத ஆளப்பா நீ...

      Delete
  6. கலைஞரை போல ஜெ தமிழையும், தமிழரையும் வைத்து அரசியல் பிழைப்பு நடத்தவில்லை. SUPER !!!

    Super star dialogue: ஒருத்தனுக்கு எழுந்து நிக்கவே வழி இல்லையாம்... ஆனா ஒன்பது பொண்டாட்டியாம்...

    ReplyDelete

தமிழில் இடும் பின்னூட்டங்கள் மட்டுமே வெளியிட இயலும்.

கருத்துகள் எதிர்மறையாக இருப்பினும், அதையும் நாகரிகமாக யார் மனதும் புண்படாதவாறு சொல்லுங்கள்.


மறுமொழி வெளியாக சில நேரங்களில் தாமதமாகலாம்..

LinkWithin

Related Posts with Thumbnails