.................................... .................................... ........................................................................ ....................................தமிழர்களே வாருங்கள்..................................... ........................................................................ ........................................................................

June 16, 2012

அடங்க மாட்டான் இந்த சீமான்?

சீமான் "திராவிடத்தின் தகிடுத்தங்களை" சொன்னாலும் சொன்னார் - நேற்று வரை தமிழின போராளி சீமானாக தெரிந்த திராவிட கழகங்களுக்கு - இன்றைக்கு திடீரென்று பார்ப்பனீய தாசனாக தெரிகிறார். அந்த மாற்றம் இப்படி கருத்துகளை இறைக்கிறது. "திராவிடத்தால் வீழ்ந்தோம் என்று கூறுவது அறியாமை என்றால் மன்னிக்கப்படுவார்கள்! அகம்பாவம் என்றால் திருத்தப்படுவார்கள்!" இதற்கு நாம் தமிழர் சீமான் திமிரோடு என்ன சொல்கிறார்.

"கொஞ்சமும் குரல் அடங்காதவனாக இப்போதும் சொல்கிறேன்... திராவிட
அரசியல் கட்சிகளின் கொட்டம் அடக்கும் சக்தியாக இனி நாங்கள்தான்
இருப்போம்." இறுமாப்புடன் சொல்லும் சீமான் - உடனடியாக சுதி இறங்கி "அதே நேரம், அரசியல் சாராத திராவிட அமைப்புகளுக்கு நாங்கள் ஒருபோதும் எதிரிகள் இல்லை ." என்று சொல்ல வேண்டிய அவசியம் இல்லை. ஏன் திராவிடத்தை பழிக்கிறோம். திரும்ப திராவிட மற்றும் நீதிக்கட்சி வரலாற்றுக்கு போவோம். அவை சொல்வதெல்லாம் ஒன்றே ஒன்று தான்.

"திராவிடம் என்பது முழுக்க முழுக்க தமிழர்களின் வளர்ச்சிக்கு எதிரான சொல்". அதன் ஆரம்பமே சூதுகளால் நிரம்பியது. அது குறித்து தமிழர் தந்தை அய்யா ம.பொ.சி அவர்களின் பேத்தி தி.பரமேசுவரி எழுதிய கட்டுரையை நோக்குவோம். "பார்ப்பனர் x தெலுங்கர் பகை தான் நீதிக் கட்சியின் தோற்றத்துக்கு அடிகோலியதேயன்றி, பிற்பட்ட அடித்தட்டு மக்களின் சமூக, பொருளாதார முன்னேற்றம் குறித்த அக்கறையினால் அல்ல. அக்காலகட்டத்தில் முதலியார், பிள்ளை போன்ற ஒரு சில முன்னேறிய சாதிகள் தவிர ஏனைய தமிழ்ச்சாதிகளில் பெரும்பாலோர் கல்வியற்றவர்களாய், நிலமற்றவர்களாய், தேர்தலிலும் வாக்களிக்கத் தகுதியற்றவர்களாயும் விழிப்புணர்வு அற்றவர்களாகவும் இருந்தனர்.

இந்நிலையைப் பயன்படுத்திக்கொண்ட தெலுங்கர், பார்ப்பனர்/பார்ப்பனரல்லாதார் என்னும் முரணைத் தூக்கிப் பிடித்துத் தமிழர்களைப் பிரித்தனர். ஆனால் ஆந்திர மகாசபை என்னும் பெயரால் அவர்கள் ஒன்றிணைகையில் கட்சி, சாதி என எள்ளளவும் பேதமின்றி இன அடிப்படையில் தம் உரிமைகளையும் அதற்கும் மேலான பதவிகளையும் பெற்று அனுபவித்தனர்.

ஆந்திர மகாசபையின் கீழ் தெலுங்கர் பார்ப்பனர்/பார்ப்பணரல்லாதார் என்ற வேறுபாடின்றி இணைந்திருந்தனர். 1909 ஆம் ஆண்டு ஆங்கிலேய அரசு, அரசியல் சீர்திருத்தங்கள் பற்றி ஆய்வு மேற்கொண்டபோது ஒடுக்கப்பட்ட, கீழ்சாதிகளுக்கான இட ஒதுக்கீட்டை எதிர்த்து சர்.பிட்டி தியாகராயரும் டாக்டர் டி.எம். நாயரும் கருத்துச் சொன்னார்கள். ஆனால் இவர்களால் தொடங்கப்பட்ட நீதிக்கட்சிதான் இன்றைக்கு வகுப்புவாரி ஆணையை வெளியிட்டுச் சென்னை மாகாணத்திலுள்ள பார்ப்பனர் அல்லாதாருக்குச் சமூக நீதி கிடைக்க வழி செய்ததாகப் போற்றப்படுகின்றது?!"

திராவிட தலைகள் என்ன சொல்வார்கள் என்றால் தாங்கள் எழுதிய வரலாறே உண்மை என்று திரிப்பார்கள். ஒரு உதாரணத்திற்கு. "தாழ்த்தப்பட்டோரின் பிரதிநிதிகள் நகராட்சியிலும் உள்ளாட்சி அமைப்புகளிலும் இடம் பெறுவதை நீதிக்கட்சியினர் அனுமதிக்கவில்லை" என்று விடுதலைச் சிறுத்தைகள் கட்சியின் பொதுச் செயலாளர் தோழர் ரவிக்குமார் சொனனதும், உடனடியாக திராவிடத்தின் மறுப்பு. தோழர் ரவிக்குமார் ஏன் உண்மைக்கு மாறாக பேச போகிறார். அதனால் அவருக்கு என்ன லாபம். திராவிடம் பேசும் உண்மையை (பொய்யை) பார்ப்போமா?

அப்போது தான் உண்மை பேசுபவர்களை உணர முடியும். விடுதலையில் அன்றைக்கு வந்த எல்லா கட்டுரைகளையுமா இன்று வெளியிடுகிறார்கள். தமக்கு பாதகமான விஷயங்களை, முரண்பான அம்சங்களை ஒழித்து வைத்து கொள்கிறார்கள். நேர்மையாளர்கள் என்றால், வரலாற்றை உள்ளது உள்ளபடி சொல்ல நினைப்பவர்கள் ஏன் மறைக்க வேண்டும். அதனால் தானே பெரியார் நூல்களை நாட்டுடைமையாவதற்கு முட்டுக்கட்டை போட்டார்கள். அதையும் சீமான் சொன்னார் இப்படி. "நான் துரோகி என்றால், இங்கே வேறு யாருப்பா தியாகி?

பெரியாரின் புத்தகங்கள் அரசுடமை ஆகவிடாமல் தடுக்கும் பெரியவர்களா ?
கொஞ்சமும் குரல் அடங்காதவனாக இப்போதும் சொல்கிறேன் ... திராவிட
அரசியல் கட்சிகளின் கொட்டம் அடக்கும் சக்தியாக இனி நாங்கள்தான்
இருப்போம்." கொளத்தூர் மணி நாம் தமிழர் சீமானின் இத்தகைய திராவிடம் குறித்தான எதிர்ப்புகளுக்கு, "உங்கள் புளுகை நிறுத்தி கொள்ளுங்கள்" என்கிறார். யார் புளுகுவது என்று பார்ப்போமா? சமகால வரலாற்றையே மானமிகு வீரமணி எப்படி புளுகுகிறார் என்று பார்ப்போமா? எல்லா மணிகளும் அப்படி தான் போலும்.

"திராவிடத்தால் வீழ்ந்தோம் என்பது அறியாமையாலா? அகம் பாவத்தாலா? அறியாமை என்றால் அவர்களுக்கு மன்னிப்பு உண்டு. ஆனால் அகம்பாவம் என்றால் அது திருத்தப்பட வேண்டியது." என்றவர் அடுத்து நகைச்சுவை அடிக்கிறார் இப்படி. "இந்த இயக்கத்தை அழிப்பதற்கு நிறைய பேர் சூழ்ச்சி செய்தார்கள். ராஜகோபாலாச்சாரியார் மிகப் பெரிய சூழ்ச்சி செய்து பார்த்தார். தந்தை பெரியாரிடத்திலிருந்து, அண்ணாவைப் பிரித்துவிட்டோம் என்று ஆச்சாரியார் நினைத்தார்."

திடுக்கிட்டோம். தலைவராக, அதுவும் பகுத்தறிவாளராக இருந்து கொண்டு இப்படி பொய் சொல்லலாமா? பெரியாரிடமிருந்து அண்ணாவை பிரித்தது ராசாசியாம். கடைசி காலத்தில் பெரியார் முடிக்கும் பொருந்தா திருமணத்தை காண சகிக்காமல், அதற்காக எதிர் குரல் கொடுத்து அண்ணா தானே வெளியேறினார் அல்லது வெளியேற்றப்பட்டார். இது குறித்து அண்ணா எழுதிய நீண்ட கட்டுரை ஒரு பதிவாகவே அடுத்து வரும். அதை வாசித்து - அங்கே ராசாசி எந்த இடத்தில் வந்தார்' என்று சொல்லுங்கள். ஒரு வேலை இப்படி சொல்லி இருக்கலாமோ?

 "திருமணத்தை காரணம் காட்டி அண்ணாவிடம் இருந்து பெரியாரை ராசாசி பிரித்தார்" அல்லது தம் திருமணத்திற்காக பெரியார் ராசாசியிடம் ஆலோசனை கேட்டது அண்ணாவுக்கு பிடிக்கவில்லையோ. அதை தான் சாதுர்யமாக மானமிகு வீரமணி அப்படி விளக்குகிறாரோ. ராசாசி - பெரியாரிடமிருந்து தன்னை பிரிப்பதை உணராத அளவுக்கு பகுத்'தறிவி'ல்லாமல் அண்ணா இருந்தாரா? எது எப்படியோ, பொய்யான தகவல்களை - பெரியார், அண்ணா மோதல்களுக்கு வீரமணி தர முயல்கிறார், வரலாற்றை திரிக்கிறார் என்பது மட்டும் நிஜம். இப்படி தானே இவர்களால் எழுதப்படும் திராவிடத்தின் வரலாறு இருக்கும்.

அண்ணா திராவிடக்கழகத்தை விட்டு போனதற்கு  பெரியார்  காரணம்  இப்படி சொல்கிறார். "அண்ணாதுரை ஏன் போனார்? திராவிடர் கழகத்தில் இருந்தால் பணம் சம்பாதிக்க முடியாது; பெரிய நிலைக்கு வர முடியாது என்று கருதினார். வெளியேறினார். சௌக்கியமாக பணம் சம்பாதித்துக் கொண்டு வாழ்கிறார். அதைப் பார்த்து ஆத்திரப்பட்டுத்தானே, நாமும் பணம் சம்பாதிக்க வேண்டும்; எத்தனை நாளைக்கு இப்படியே இருப்பது என்று கருதித்தானே, இன்றைய துரோகிகளும் வெளியேறுகின்றார்கள்?" ஆக கடைசி வரை திராவிட வகையறாக்களிடம் இருந்து உண்மை மட்டும் வரவே இல்லை. இவர்கள் எழுதும் வரலாறும், ஆய்வு நூல்களும் இப்படி புளுகு மூட்டையாக தானே இருக்கும்.

அதை பகுத்தறிந்து இன்றைக்கு சீமான், ராமதாஸ் மற்றும் பல்வேறு தலித் தலைவர்கள், பி.ஜே போன்ற சிறுபான்மை மதத்தவர்கள் எடுத்தியம்மினால் கோபம் வருகிறது. தமிழர்களின் உயர்வு பற்றி சிந்திப்பவர்களை எல்லாம் பார்ப்பனிய ஆதரவாளர்கள் என்பவர் தான் பார்ப்பனிய பெண்மணியிடம் பத்தாண்டு காலம் கூட்டணி வைத்தார் என்பது வரலாற்று உண்மை. "சாதீயை ஒழித்த சமர்புலிகளாம்" திராவிடம். சாதியை பெயருக்கு பின்னால் போடாததை பெருமையாக பேசலாம் - ஆனால் தென்னிந்தியாவிலேயே அதிக சாதி கட்சிகளை கொண்டிருக்கும் சேதியை மறைத்தவாறே.

தமிழர் மண்ணில் இரட்டைக்குவளை முறை என்கிற இழிவு இன்னும் இருக்கிறதே என்றால் "நாங்கள் சாதி ஒழிப்புக்காக 1957லேயே மூன்று வருஷம் சிறை சென்றோம்" என்பார்கள். இன்று சாதி ஒழிப்புக்கு என்ன செய்வீர்கள் என்று கேட்டால் மௌனிப்பார்கள். இப்போதெல்லாம் போராட முடியுமா? இன்றைக்கு அந்த வேலையை பொது உடைமை சிந்தனையாளர்கள். தமிழர்களின் வளத்தை, நலத்தை சுரண்டும் வடவர்களை எதிர்க்கும் தமிழ் தேசியம் பேசுபவர்களை எள்ளி நகையாடுகிறார்கள். குண்டர் சட்டத்தில் உள்ளே தள்ள தருணம் பார்க்கிறார்கள். இவர்கள் தான் திராவிடன்கள்.

தமிழர்களாகிய எம்மை "திராவிடன் என்று அறியாமையால் சொன்னால் மன்னிப்போம். அகந்தையில் சொன்னால் திருத்துவோம்" எனது தாய் மொழி தமிழ் - திராவிடம் அல்ல... எனது தந்தை மொழி தமிழ் - திராவிடம் அல்ல... எனது இனம் தமிழ் இனம். திராவிடம் அல்ல..மறத்தமிழ் இனம்.  என்னை திராவிடனாக இருக்க சொல்ல தெலுங்கனும், மலையாளியும், கன்னடனும் யார்?

தொடர்புடைய பதிவுகள் :


11 comments:

  1. எதிரிக்கு எதிரி நண்பன்.
    பார்ப்பானா கொக்கா!

    ReplyDelete
    Replies
    1. அப்படிங்களா. ரெம்ப சந்தோஷம். தலையிலிருந்து வால் வரை சிந்திக்காம்ம ஆட்டு மந்தைகளா இதையே சொல்லுங்கய்யா? அப்படியே உங்க பகுத்தறிவை வைச்சு இந்த பதிவுக்கு பின்னூட்டம் போடுங்க.



      சின்னத்திரையும், திராவிடகழகத்தின் தீர்மானமும்...

      Delete
  2. இப்படியே நீங்க அடிச்சுக்கிட்டு சாவுங்க. சேட்டனைம், சேட்டையும் நல்லா வாழ விடுங்க.

    ReplyDelete
    Replies
    1. அது நடக்கக்கூடாது என்பதற்காக தான் இவ்வளவு போராட்டமும்.

      Delete
  3. இப்படியே நீங்க அடிச்சுக்கிட்டு சாவுங்க. சேட்டனைம், சேட்டையும் நல்லா வாழ விடுங்க.

    ReplyDelete
  4. வேற்று சவடால் தவிர வேறுஎன்ன?
    இன்று உள்ள எவ்வளவோ மாற்றங்களை திராவிட கட்சிகளே செய்தது.
    செய்து முடிக்காதவை இன்னும் உண்டு. அதற்காக எதையும் செய்யாதவர்கள் மற்றவர்களை ஏன் தாக்க வேண்டும்.
    சீமானும் தன்னால் இயன்றதை செய்து விட்டு பிறகு பேசலாம்.

    ReplyDelete
    Replies
    1. உண்மை தான். மாற்றங்களை தர வேண்டியது ஆட்சியில் உள்ள கட்சிகளின் கடமை. அதை தான் திராவிட கட்சிகள் செய்தது. அடுத்த பதிவில் இதுபற்றி பார்க்கலாம்.

      Delete
  5. ஏன் எதுன்னாலும் எங்ளே நிம்பள்கி நோன்ட்றான்? எல்லா தமில்னும் சைத்தான் க்கி பச்சா!

    ReplyDelete
    Replies
    1. நம்மேள் சைத்தான் இல்லைன்னு சொல்ல வர்றான்.

      Delete
  6. தடம்மாறி தானும் வீழ்ந்து தமிழ் தேசியத்தையும் வீழ்த்திய சீமானை தமிழ்த்தாய் மன்னிக்க மாட்டாள்....

    ReplyDelete
    Replies
    1. சரியாக சொன்னீர்கள்.

      Delete

தமிழில் இடும் பின்னூட்டங்கள் மட்டுமே வெளியிட இயலும்.

கருத்துகள் எதிர்மறையாக இருப்பினும், அதையும் நாகரிகமாக யார் மனதும் புண்படாதவாறு சொல்லுங்கள்.

LinkWithin

Related Posts with Thumbnails