.................................... .................................... ........................................................................ ....................................தமிழர்களே வாருங்கள்..................................... ........................................................................ ........................................................................

July 12, 2012

கவிஞர் வாலி குணமடைந்தது - வைத்தியராலா? வீரமணியாலா?

பகுத்தறிவாளர்களிடமும் மூட நம்பிக்கைகள் உள்ளது. அதை அவர்கள் கஷ்டப்பட்டு மறைக்க முயன்றாலும் ஏதாவது ஒரு சந்தர்ப்பத்தில் - தங்கள் பேச்சில் தெரியாத்தனமாக வெளிப்படுத்தி விடுகிறார்கள். அது தான் மனித இயல்போ. அப்படி ஒரு பகுத்தறிவு தலைவர் தம் பேச்சில் தமக்குள் இருந்த மூட நம்பிக்கையை அழகாக வெளிப்படுத்தி இருக்கிறார். பகுத்தறிவு ஏடு உண்மையை வாசித்த போது மானமிகு கி.வீரமணி அவர்களின் மூட நம்பிக்கை தெரிந்தது.

கவிஞர் வாலி சொன்னதாக உண்மை ஏடு வெளியிட்டு இருந்த கட்டுரை இது. "​கவிஞர் வாலி அப்பல்லோவில் பைபாஸ் சர்ஜரி முடித்து அய்.சி.யு.வில் இருந்து மீண்டு இருந்தபோது ஊரறியாத விஷயம் ஒன்று உண்டு. கவிஞர் வாலி கூறுகின்றார். என் Suiteல் படுத்திருந்தேன். Artificial Respirationக்காக என் வாய் வழி விடப்பட்ட Ventilator Apparatus. ஒரு Vocal Cord தனைப் பாதித்துவிட நான் பேச்சிழந்தேன். முதல்வர் முதல் _ பல பிரமுகர்கள் வந்து நலம் விசாரித்தனர்.

சைகையாலேயே நன்றி சொல்லிக்கொண்டு இருந்தேன். அப்போதுதான் அவர் வந்தார். ஒரு மணி நேரம் உடனிருந்து ஊமைத்தனத்தால் உளமொடிந்திருந்த எனக்கு ஆறுதல் கூறினார். "வாலி! அமெரிக்காவில், நானும் பைபாஸ் பண்ணிக்கிட்டவன்தான். எனக்கும் “Vocal Cord” பாதிக்கப்பட்டு முழு ஊமையா ஆயிட்டேன். என் மனைவி மக்கள் விழி எல்லாம் கண்ணீர். மெல்ல மெல்ல எனக்கு பேச்சு வந்திடுச்சு. அது மாதிரி உங்களுக்கும் வரும். இன்னும் மூணு மாசத்துல நீங்க மேடையேறிப் பேசுவீங்க. என் வாக்குப் பொய்க்காது" என்றார் அவர்.

 என்ன ஆச்சரியம் அவர் வாக்குப் பலித்தது! நான் மேடையேறிப் பேசினேன். என்னளவில் அவர் வாக்கு தெய்வ வாக்கு. ஆனால் அவர் தெய்வத்தை ஏற்காத தீவிர நாத்திகர்! அவர்தான் திராவிடர் கழகத் தலைவர் மானமிகு திரு. வீரமணி அவர்கள். கவிஞர் வாலி நினைவு நாடாக்கள் நூலிலிருந்து..."

இங்கே எங்கே வீரமணியாரின் மூட நம்பிக்கை இருக்கிறது என்று கேட்கறிர்களா? வாக்கு பலிப்பது என்பதெல்லாம் ஒரு வித பித்தலாட்ட ஆருடம், ஜோசியம் தானே. "இன்னும் மூணு மாசத்துல நீங்க மேடையேறிப் பேசுவீங்க. என் வாக்குப் பொய்க்காது" என்று கி.வீரமணி சொன்னதை தான் மூட நம்பிக்கையாக பார்க்கிறோம். "பொய்க்காத வாக்குக்கு" சொந்தக்காரர்களாக இருக்க வேண்டும் என்றால் நிச்சயம் குறி சொல்பவர்களாக தான் இருக்க வேண்டும்."இன்னும் மூணு மாசத்துல நீங்க எங்கேயோ போயிடுவிங்க" என்று ஜோசியர் சொல்வதற்கும் இதற்கும் என்ன வித்தியாசம் உள்ளது.

கவிஞர் வாலி பூரண குணமடைந்து பேசுவதற்கு காரணமாக இருந்தவர் யார்? பொய்க்காத வாக்குக்கு சொந்தக்காரராய் இருக்கும் வீரமணியா? அல்லது லட்சக்கணக்காக பீஸ் வாங்கி - அல்லும் பகலும் வைத்தியம் பார்த்த மருத்துவரா? பிராத்தனைகளால் "விழி இழந்தவர்கள் பார்க்கிறார்கள்... செவி திறன் குறைந்தவர்கள் கேட்கிறார்கள்... பேச முடியாதவர்கள் பேசுகிறார்கள்..." என்று கிறிஸ்தவர்கள் சொன்னபோது "அப்ப எதுக்குய்யா மருத்துவமனை. இடிச்சிட வேண்டியது தானே. டாக்டரெல்லாம் எதுக்கு" என்று கிறித்தவ தில்லுமுல்லுகளையும், பல இந்து சாமியார்களின் மந்திரித்தல் தகிடுதத்தங்களை பகுத்தறிவுடன் கேட்டவர்களை பார்த்து நாமும் பகுத்தறிவுடன் கேட்கிறோம்.

கவிஞர் வாலி தமக்கு வைத்தியம் பார்த்த மருத்துவரிடம் போய், "பொய்க்காத வாக்குக்கு சொந்தக்காரரான எங்கள் வீரமணி அய்யா வாக்கால் தான் எனக்கு பேச்சு வந்தது. அதனால் நான் உங்களுக்கு பீஸ் தரமாட்டேன்" என்று வாலி சொன்னால் "மறை கழண்ட் கேஸ்" என்று அதற்கு தனியாக வைத்தியம் பார்க்க துவங்கி விடுவார்கள் இல்லையா. ஆம், மூட நம்பிக்கைகள் "மறை கழண்ட கேஸ்" மண்டையில் உதிப்பவை தான்.

 கவிஞர் வாலியின் இந்த கட்டுரையை வாசித்ததும் -​பகுத்தறிவு எங்ஙனம் நோக்கி இருக்க வேண்டும். கவிஞர் வாலி - அய்யா வீரமணியை பெருமைப்படுத்த அப்படி எழுதி இருக்கிறார். "அய்யா வீரமணி வாக்கு சொன்னாராம். வாலி பிழைத்து கொண்டாராம். என்னய்யா இது. சுத்த மூட நம்பிக்கையாக இருக்கிறது. அப்ப டாக்டர் எதுக்கு. இந்த மாதிரி எழுத்தெல்லாம் பகுத்தறிவுக்கு எதிரான சமாசாரம். இதை எல்லாம் பகுத்தறிவு ஏட்டில் போடாதிங்க" என்றல்லவா பகுத்தறிவு சிந்தித்து சொல்லி இருக்க வேண்டும்.

அதை விடுத்து பார்ப்பன வாலி தங்களை பெருமைப்படுத்துகிறார் என்று (பகுத்தறிவுக்கும் பார்ப்பன புகழ்ச்சி தேவைப்படுகிறது போலும்) தங்கள் பகுத்தறிவை தாங்களே ஏளனம் செய்து கொண்டிருக்கிறார்கள். இவர்கள் தான் ரஜினி உடல் நலமின்றி மருத்துவமனையில் இருந்தபோது பிராதித்த ரசிகர்களை கேலி பேசியவர்கள். "ரஜினியை பிராத்தனையா காப்பாற்றியது. மருத்துவமல்லவா காப்பாற்றியது" என்றார்கள்.

ஆனால் தப்பித்தவறி கூட பங்காளிகள் செய்த ஊழல்களில் இருந்து தப்பிக்க பிராத்தனை செய்ததை எங்கும் எழுதவில்லை. என்னே பகுத்தறிவு. அதனால் அதையே தான் நாமும் கேட்கிறோம். "கவிஞர் வாலி பேசியது -மருத்துவராலா... பொய்க்காத வாக்குக்கு சொந்தக்காரரான வீரமணியாலா" என்று.ஆரூடம் சொல்பவர்களுக்கு போட்டியாளராக மானமிகு கி.வீரமணி அய்யா வந்துவிடக்கூடாது. ஆரூடம் சொல்பவனுக்கு எதிராக தான் இனமான அய்யா இருக்க வேண்டும்.

 தமிழ்நாட்டில் பகுத்தறிவு சிரிப்பாய் சிரிப்பதற்கு காரணம் இதனால் தான். சாதிக்கொரு நீதி சொல்லும் பகுத்தறிவு - மூட நம்பிக்கைகளுக்கும் விதிவிலக்கு சொன்னாலும் சொல்லும். நாத்திகரோ, ஆத்திகரோ - வாக்கெல்லாம் பலிக்காது.
தொடர்புடைய பதிவுகள் :


5 comments:

  1. ”நம்பிக்கை இழக்க வேண்டாம். கண்டிப்பாக மேடை ஏறிப் பேசுவீர்கள்” என்று சொல்லியிருக்கலாமோ?

    பதிவுக்கு நன்றி நண்பரே.

    ReplyDelete
  2. This comment has been removed by a blog administrator.

    ReplyDelete
    Replies
    1. நன்றி Jayadev Das . உங்கள் நீண்ட பின்னூட்டத்திற்கு. பதிவின் நோக்கத்தை உங்கள் பின்னூட்டம் மாற்றி காட்டிவிடும் என்பதால் வெளியிடவில்லை. நம்பிக்கை சொல்வது வேறு. அந்த கட்டுரையின் தலைப்பே "நாத்திகர் வாக்கு பலித்தது" என்பது தானே. வாக்கு பலித்தது என்று நாத்திகரிடம் இருந்து வரக்கூடாது. "எனக்கு கரிநாக்கு"... "நான் சொன்னா பலிக்கும்"... என்பன ஒரு வித மூட நம்பிக்கையே. பகுத்தறிவாளர்களிடம் என்ன கேட்க வேண்டுமோ, எப்படி கேட்க வேண்டுமோ - அதையே தான் நாம் கேட்டிருந்தோம்.

      Delete
  3. கவிஞர் வாலி எல்லோரிடமும் நல்ல பேர் வாங்கிக்கொண்டு போக நினைக்கிறார்.
    இது அவர் தற்போது துக்ளக்கில் எழுதி வரும் தொடரைப் படித்தாலே தெரியும்.

    அவரே சொல்லியிருக்கிறார்:
    "தமிழுக்கு நான் பாலூட்டும் தாய்;
    சினிமாவில் நான் வாலாட்டும் நாய்" , என்று.

    அது சரி; இரும்படிக்கிற இடத்தில் ஈக்கு என்ன வேலைங்கிற மாதிரி, நாத்திக வீரமணிக்கு, ஆத்திக வாலியிடம் என்ன வேலை?

    அதே, மாதிரி, வீரமணி எத்தனை முறை வாலிக்கு நல்வாக்கு சொல்லி அது பலித்திருக்கிறது?
    வீரமணி அதே போல் இன்னும் எத்தனை பேருக்கு குறி சொல்லி அது பலித்திருக்கிறது?

    வீரமணி தொழிலை மாற்றிக் கொள்ளலாம்.

    எங்க ஆயா கூட, பை பாஸ் செஞ்ஞுக் கிட்டு குரல் வளை விழுந்து கெடக்குது.

    தயவு பண்ணி நல்வாக்கு சொல்லுவாறா, வீரமணி பூசாரியார்?

    ReplyDelete
  4. இதைதான் கோவில் பூசாரிகளும் சொல்வார்கள் - அம்மன் வாக்கு பொய்க்காது.

    பகுத்தறிவாளர்களுக்கு மட்டும், மானமிகு ஐயா கோவில் பூசாரி போலும்?. அப்படியும் பார்த்தால் வாலி படுத்தறிவாளர் அல்லவே, பாம்பைவிட மோசமான ஜந்து ஆயிற்றே.

    இப்படி சொல்லியிருக்கலாம், மருத்துவரீதியாக இன்னும் மூன்று மாதத்தில் குணமாகிவிடும் என்று.

    ReplyDelete

தமிழில் இடும் பின்னூட்டங்கள் மட்டுமே வெளியிட இயலும்.

கருத்துகள் எதிர்மறையாக இருப்பினும், அதையும் நாகரிகமாக யார் மனதும் புண்படாதவாறு சொல்லுங்கள்.

LinkWithin

Related Posts with Thumbnails